дереккөз фото: Aikyn.kz
Қазақстан Қарулы күштерінде жауынгерлік дайындық қарқыны күшейді. Қорғаныс министрлігінің мәліметінше, қазіргі уақытта 25 мыңнан астам әскери қызметкер арнайы даярлықтан өтіп, әскери бөлімдерде оқу-жаттығулар мен кәсіби машықтарын жетілдіру жұмыстарын жүргізуде.
Арнайы даярлық барысында әскери қызметшілер заманауи қару-жарақ пен техниканы меңгеріп, тактикалық іс-қимылдарды, атыс, инженерлік және медициналық дайындықты пысықтайды. Бұл шаралар Қарулы күштердің жауынгерлік әзірлігін арттырып, кез келген тапсырманы тиімді орындауға бағытталған.
Министрлік мұндай кешенді дайындық әскери бөлімдердің үйлесімді іс-қимылын нығайтып, ұлттық қауіпсіздікті қамтамасыз ету деңгейін арттыруға мүмкіндік беретінін атап өтті.