Нұралхан Көшеров өңірде кәсіпкерлікті дамыту керегін айтты, — деп хабарлайды Arysinfo.kz.
Түркістан облысы әкімдігінің мәліметінше, Қазығұрт ауданында кәсіпкерлік саласын дамытуға күш салынуда екен. Өңірде жаңа кәсіптің көзін тауып, өндірісті кеңейтуге назар аударылып жүр. Жергілікті кәсіпкерлер кеңсеге арналған ақ қағаз шығару ісін бастаған. Бүгін ауданға жұмыс сапары аясында Түркістан облысының әкімі Нұралхан Көшеров өнеркәсіп орындарының жұмысымен танысты. Жобаның қуаттылығы — тәулігіне 1000 дана/500 000 шт А4.
Өңір басшысы кәсіпорын жұмысын оң бағалап, кәсіпкерлікті қолдауға баса назар аудару керек екенін айтты. Осы бағыттағы жұмыстарға күш салуды тапсырды.
Қазығұрт ауданында «Aqua the best» сауда белгісімен ауыз су өндіретін цех өндірісін кеңейтті. Сағатына 6000 л 2 өнім беруге қауқарлы мекемеде 15 адам тұрақты жұмыспен қамтылған. Қазіргі таңда «Қазығұрт» индустриалды аймағында жалпы құны 18,9 млрд теңге болатын 300 адамға жуық жұмыс орны бар 8 кәсіпорын жұмыс істейді. Аудандағы шағын және орта бизнес саласы да қарқынды дамуда.