Абай облысында адам саудасына қатысты резонанс тудырған қылмыстық іс бойынша сот үкімі шықты. Аягөз қаласының тұрғыны адамдарды заңсыз еңбекке тарту мақсатында алдап, сатумен айналысқаны үшін 6 жылға бас бостандығынан айырылды.
Тергеу материалдарына сәйкес, сотталған әйел 2024–2025 жылдар аралығында әлеуметтік осал топтағы азаматтарды әдейі іздеп тапқан. Ол көбіне адамдармен Семей қаласында – вокзал мен базар маңында танысқан.
Күдікті жәбірленушілерге “жұмыс тауып беремін” деп уәде беріп, олардың сеніміне кірген. Кейін оларды шаруа қожалықтарына жіберіп отырған. Алайда жұмыс берушілер алдын ала төлеген қаражатты өзі иемденіп келген.