Арыс қаласында экология мен қала келбетіне мән берген игі шара — «Жасыл аула» акциясы ұйымдастырылды. Жалпықалалық сенбілік аясында өткен бұл бастамаға қала тұрғындары, жастар ұйымдары мен еріктілер белсенді түрде атсалысты.
Акция шеңберінде көпқабатты тұрғын үйлер мен мекемелердің аулаларына шырша мен қаратал секілді түрлі ағаш көшеттері отырғызылды. Жаңа отырғызылған жасыл желек болашақта қала тұрғындары үшін тынығатын саялы бақтарға айналмақ.
Игілікті шара Арыстың экологиялық мәдениетін арттырып қана қоймай, өскелең ұрпаққа табиғатқа деген жанашырлықты үйретудің нақты үлгісі болды. Бұл — таза қалаға, жайлы ортаға бірге жасалған қадам.
Қала әкімдігі мұндай акциялар алдағы уақытта да тұрақты түрде өткізіліп тұратынын атап өтті.