Түркістан тағы бір мәрте республикалық деңгейдегі ірі спорт додасының орталығына айналды. Қалада 20 жасқа дейінгі ұлдар мен қыздар арасында ауыр атлетикадан Қазақстан Республикасының жеке-командалық чемпионаты өтіп жатыр.
3–11 шілде аралығында өтетін ел біріншілігіне өңірлерден жиналған жас спортшылар қатысып, өз салмақ дәрежелері бойынша бақ сынауда. Бұл жарыс – жеңімпаздарды анықтап қана қоймай, алдағы Азия чемпионатында Қазақстанның намысын қорғайтын үздік ауыр атлеттерді іріктейтін маңызды кезең.
Чемпионаттың жоғары деңгейде ұйымдастырылуы Түркістанның ірі спорттық іс-шараларды қабылдай алатын әлеуетін тағы бір мәрте дәлелдеп отыр. Жас зілтеміршілер үшін бұл дода халықаралық аренаға жол ашатын маңызды мүмкіндік саналады.