Жүргізушілерге арналған 073/е нысанындағы медициналық анықтаманы алу енді жеңілдей түсті. Бұл анықтама eGov Mobile қосымшасында онлайн түрде қолжетімді болды.
Бұрын бұл анықтаманы алу үшін азаматтар терапевт, психиатр-нарколог, офтальмолог және отоларинголог мамандарынан тексеруден өтіп, қағаз түрінде алуға мәжбүр болатын.
Енді анықтаманы алу үшін eGov Mobile қосымшасына кіріп, авторизациядан өту, “Қызметтер” бөліміне кіріп, “Денсаулық сақтау” бөлімін таңдау, “№ 073/е нысан бойынша медициналық анықтама беру” қызметін таңдап, өтінімге Face ID/Touch ID арқылы қол қою жеткілікті.
Бұл жаңашылдық азаматтарға медициналық мекемелерге бармай-ақ, анықтаманы тез әрі ыңғайлы алу мүмкіндігін береді. Цифрлық анықтаманың енгізілуі жүргізушілер үшін процесті едәуір жеңілдетеді.