Қазақстанда “Алтын белгі” төсбелгісін жасауға бөлінетін қаржы көлемі биыл айтарлықтай өскен. Оқу-ағарту министрлігінің мәліметінше, 8 мыңнан астам төсбелгі дайындауға 231,3 миллион теңге қарастырылған.
Тапсырысты Монета сарайы орындайды. Жоспар бойынша, барлық төсбелгілер мамыр айының соңына дейін дайын болуы тиіс. Биыл бір “Алтын белгі” төсбелгісінің құны 27 695 теңге.
Сарапшылардың айтуынша, соңғы жылдары төсбелгі бағасы едәуір қымбаттаған. Мәселен, 2023 жылы оның құны 16 520 теңге болған. Яғни екі жыл ішінде баға айтарлықтай өсіп отыр.
Сонымен қатар, “Алтын белгі” иегерлерінің саны да артуда. Егер 2023 жылы 5 500 дана төсбелгіге ғана тапсырыс берілсе, биыл бұл көрсеткіш 8 мыңнан асқан. Бұл өз кезегінде бюджет шығындарының көбеюіне әсер етіп отыр.
«АЛТЫН БЕЛГІГЕ» 200 МИЛЛИОННАН АСТАМ ҚАРЖЫ БӨЛІНДІ
