Түркістан қаласындағы жасанды көл жағалауында өткен «Түркістан әуендері» мерекелік концерті қала тұрғындары мен қонақтарын бір алаңға жинап, ерекше мәдени кешке айналды.
Ашық аспан астында ұйымдастырылған концертте жергілікті өнерпаздар халық және эстрадалық әндерді орындап, көрермендерге көтеріңкі көңіл күй сыйлады. Көпшілік сүйікті әндерін бірге шырқап, өнер иелерін ыстық ықыласпен қолдады.
Мұндай мәдени шаралар тұрғындардың бос уақытын тиімді ұйымдастырумен қатар, ұлттық өнерді дәріптеуге, өңірдің мәдени өмірін жандандыруға және туристік тартымдылығын арттыруға ықпал етеді.
Түркістанда жазғы маусым аясында ұйымдастырылып жатқан ашық аспан астындағы концерттер алдағы уақытта да жалғасып, қала тұрғындары мен қонақтарына ерекше рухани демалыс сыйлай бермек.