Түркістанда «AMANAT» партиясы бастауыш ұйым төрағаларына семинар өткізді,-деп хабарлайды Арысинфо.кз.
Түркістан қалалық филиалы ұйымдастырған семинарға бастауыш партия ұйымдарының төрағалары қатысты. Оқу барысында қатысушыларға партия қатарына қабылдау тәртібі, мүшелік есеп жүргізу, құжаттарды рәсімдеу талаптары және ішкі тәртіп ережелері жан-жақты түсіндірілді.
Практикалық мысалдар арқылы тәжірибе алмасуға мүмкіндік берілген бұл жиын бастауыш ұйымдардың жұмысын жүйелеуге, жауапкершілікті арттыруға және партия қызметінің тиімділігін күшейтуге бағытталды.