Арыс ауданының прокуратурасы, аудандық полиция бөлімі және жергілікті атқарушы органдардың қатысуымен жол-көлік оқиғаларының алдын алу бағытында кең ауқымды рейдтік жұмыстар жүргізілді.
Іс-шараның басты мақсаты – жол қозғалысы ережелерінің сақталуын қамтамасыз ету, жүргізушілер мен жаяу жүргіншілердің қауіпсіздігін арттыру, сондай-ақ қоғамда жол-көлік мәдениетін қалыптастыру.
Рейд барысында жол ережелерін бұзған жүргізушілерге түсіндіру және профилактикалық әңгіме жүргізілді. Сонымен қатар құқық бұзушылықтардың алдын алу және жолдағы қауіпсіздікке назар аударту мақсатында прокуратура әзірлеген арнайы ақпараттық брошюралар таратылды.
Құзырлы органдар барлық жүргізушілер мен жаяу жүргіншілерді жол қозғалысы ережелерін қатаң сақтауға, бірлесе әрекет етіп, жол-көлік оқиғаларының алдын алуға шақырады.