Мемлекет басшысы Қасым-Жомарт Тоқаев Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы Жарлыққа қол қойып, елде Атом энергиясы жөніндегі агенттік құру туралы шешім қабылдады.
Жаңа агенттікке Энергетика министрлігінің бірқатар өкілеттіктері беріледі. Ол уран өндіру, атом энергиясын пайдалану, радиациялық қауіпсіздікті қамтамасыз ету, Семей ядролық қауіпсіздік аймағын құру және оның жұмысын ұйымдастыру салаларында қызмет атқарады.
Агенттік Қазақстан Президентіне тікелей бағынатын және есеп беретін мемлекеттік орган мәртебесіне ие болады. Бұл оның стратегиялық маңызын арттырып, саланы тиімді басқаруға мүмкіндік береді.