Алматыда Шерзат Сатыбалдының қазасына байланысты өтіп жатқан сот процесі жалғасуда. Кезекті сот отырысында мемлекеттік айыптаушы іс материалдарын таныстырғаннан кейін судья Ержан Жанұзақов сотталушылардан кінәларын мойындайтын-мойындамайтынын сұрады. Алайда күдіктілердің басым бөлігі өздеріне тағылған айыппен келіспейтінін жеткізді.
Сотталушылардың жауабы мынадай болды:
- Абзал Шынасыл – бұзақылық бойынша кінәсін жартылай мойындады, алайда адам өлтіру бабын жоққа шығарды.
- Равиль Сакиев – өз кінәсін толықтай жоққа шығарды.
- Шыңғыс Белғожаев – кінәсін мойындады, бірақ іс материалдарында сәйкессіздіктер барын атап өтті.
- Азамат Тоқтаубаев – кінәсін ішінара мойындап, «оқиға орнында болғанын, алайда қолында пышақ болмағанын», сондай-ақ «телефонды ұрлық ниетімен алмағанын» айтты.
- Дархан Әскентай, Нұрқияс Ілиясов, Дидар Қалияхмет, Думан Ысқақ – барлығы өз кінәларын мойындамады.
- Нұрбол Тоқтаубаев – кінәсін ішінара мойындады.
Сот процесі 18 сәуір күні сағат 10:00-де жалғасатын болады. Қоғам назарындағы бұл іске қатысты шешімдер келесі отырыстарда нақтырақ айқындалады деп күтілуде.