Шымкентте полиция мен Ұлттық қауіпсіздік комитеті бірлесіп, виртуалды нөмірлерді пайдалану арқылы жасалған заңсыз әрекеттерді анықтады. Polisia.kz хабарлауынша, «Қазақтелеком» АҚ-мен жүргізілген меморандум шеңберінде, SIM-box құрылғылары арқылы алаяқтық әрекеттердің жолы кесілді.
SIM-box — бұл виртуалды абоненттік нөмірлерді тіркеуге арналған құрылғы, оны қылмыстық мақсатта қолдануға болады. Тексеру барысында екі жалдамалы пәтерден 32 арналы екі SIM-box құрылғысы және басқа да қылмысқа пайдаланылған жабдықтар тәркіленді.
Құқық қорғау органдары осы құрылғыларды заңсыз пайдалану қылмыстық жауапкершілікке алып келетінін ескертеді. Сондай-ақ, полиция халықты құқық бұзушылықтарды дер кезінде хабарлауға шақырады.