«AMANAT» партиясының Түркістан облыстық филиалы азаматтардың нақты мәселелерін шешуді жалғастырып, кезекті қабылдау өткізді. Кездесуге облыс әкімінің орынбасары Ертай Алтаев және облыстық мәслихаттағы фракция жетекшісі Алтынсары Үмбетәлиев қатысты.
Қабылдауға келген тұрғындар бірқатар сұрақтарды көтерді:
Сауран ауданы, Жүйнек ауылы – көшелерге жергілікті дамуға үлес қосқан азаматтардың есімдерін беру.
Спорт және мәдениет инфрақұрылымы – ауылдарға спорт нысандарын салу немесе жөндеуден өткізу, жаттықтырушыларға штат бөлу.
Иассы ауылдық округі – мәдениет үйін салу.
Кентау қаласы, Қарнақ ауылы – спорт кешенін салу.
Арыс қаласы – мектепте ерекше қажеттілігі бар балаларға арналған бочча орталығын ашу.
Ертай Алтаев әр мәселені заң аясында зерттеп, жауапты органдарға шешім қабылдауды тапсырды.