Сурет:24.kg
Қытайда Гуанчжоу қаласының бұрынғы әкімі Чжан Циге қатысты сот үкімі шықты. Ол бірнеше жыл бойы мемлекеттік келісімшарттар мен жер телімдерін бөлу кезінде жүйелі түрде пара алғаны үшін өлім жазасына кесілді.
Тергеу материалдарына сәйкес, шенеунік қызметтік өкілетін пайдаланып, ірі коммерциялық мәмілелерге ықпал еткен. Бұл іс бойынша тергеу шамамен алты жылға созылған.
2019 жылы жүргізілген тінту барысында Чжан Цидің үйінің жертөлесінен 13,5 тонна алтын құймасы және 286 миллиард юань көлемінде қолма-қол ақша табылған. Бұл сома қазіргі бағаммен есептегенде 19 триллион теңгеден асады.
Сонымен қатар экс-әкімнің Қытай аумағынан тыс жерлерде қымбат жылжымайтын мүліктері, элиталық автокөліктер топтамасы бар екені анықталған.
Сот заңсыз жолмен алынған активтердің көлемі аса ірі екенін ескере отырып, жазаны жеңілдетуге ешқандай негіз жоқ деген шешімге келген. Нәтижесінде Чжан Ци ең жоғары жазаға тартылды.
Қытай билігі бұл үкімді елдегі жемқорлыққа қарсы күрестің қатаң бағытының айқын көрінісі ретінде бағалап отыр.