Семинар-тренинг «Профилактикалық жылы» аясында болашақ жас аналарға арналып өткізілді, деп хабарлайды Arysinfo тілшісі.
Аталған іс-шара Арыс аудандық полиция бөлімінің жергілікті полиция қызметі Отбасылық-тұрмыстық зорлық-зомбылыққа қарсы күрес тобының аға инспекторы полиция майоры Айжан Мырзахметованың ұйымдастыруымен өтті. Гинеколог мамандардың арнайы қатысуындағы тренингте болашақ аналарға отбасын жоспарлау тақырыптарында мағлұматтар беріліп, түрлі пікірлер ортаға салынды.
«ТҰРМЫСТЫҚ ЗОРЛЫҚ-ЗОМБЫЛЫҚТЫ» болдырмау, отбасындағы қарым-қатынас мәдениеті туралы түсінік қалыптастыру беру, жастарды жанұядағы сыйластыққа, адамгершілікке, инабаттылыққа, ынтымақ пен бірлікке, татулық пен ұйымшылдыққа баулуға негізделген шара аналарға ой салды. Бұл өз кезегінде жастар арасындағы ажырасу фактілерін азайтуға мүмкіндік береді дейді ұйымдастырушылар.