Бүгін Талдықорған сотында Шерзат Полаттың өліміне қартысты сот басталды, — деп хабарлайды Arysinfo.kz.
Істі Алматы облысының соты қарап жатқанымен, алдын ала сот тыңдауы Жетісу облысы қылмыстық істер жөніндегі мамандандырылған ауданаралық соты ғимаратында өтті. Сот ашық түрде, 12:00-де өтті. Істі судья Ержан Жанұзақов жүргізеді.
Қылмыстық іс 62 томнан тұрады. 40 сараптама, 200-ге жуық куәгер жауабы және 8 видео тіркелген.
Прокурор Шерзат Полаттың өліміне қатысы бар күдіктілердің аты-жөнін атады:
• Шынасыл Абзал Нұрғалиұлы
• Сакиев Равил Магомедович
• Белғожаев Шыңғыс Айдосұлы
• Азкентай Дархан Байылханұлы
• Тоқтаубаев Нұрбол Мұратбекұлы
• Ілиясов Нұрқияс Төлекбекұлы
• Тоқтаубаев Азамат Маратбекұлы
• Қалиахмет Дидар Еркінұлы
• Ысқақ Думан Қайдарұлы
Шерзат Полаттың қазасы бойынша келесі сот отырысы 17 сәуірде өтеді.