Шымкенттегі «Ай көркем» жекеменшік балабақшасының тәрбиешісі балаларды ұрып-соққаны үшін қамауға алынды, деп хабарлайды Arysinfo.kz.
Ата-аналардың бірі баласының денесі көгергенін байқап, бейнебақылау жазбасын тексеруді талап еткен. Баласы да тәрбиешінің ұрғанын, ұзақ жылағанын айтып шағымданады. Ата-ана бейнежазбадан тәрбиешінің екі сағат бойы балаларды ұрып-соғып, қолынан сүйреп, сызғышпен ұрғанын көрген. Тәрбиеші балаларды ұрып тыныштандырып, жайбарақат телефон шұқылап отырған.
Оқиғаға байланысты полиция қылмыстық іс қозғады. Тәрбиеші уақытша ұстау абақтысына қамалды.