Түркістан қалалық полиция басқармасының қызметкерлері автокөліктегі ұрлық қылмысын ашты және күдіктіні ұстады, — деп хабарлайды Arysinfo.kz.
Белгілі болғандай, ұрлық нысаны яғни көлік жәбірленуші тұратын үйінің есік алдында тұрған. Яғни жас жігіт түнгі уақытта «ВАЗ 2114» автокөлігін есігін тартып көрген.
Машинаның ашық тұрғанын түсінген ол ойланбастан өзіне пайдалану мақсатында магнитофон мен компьютерді жымқырып кеткен. Жәбірленушіге 250 мың теңге жуық шығын келтірген.
Полиция қызметкерлері қолды болған айғақты заттарды күдіктінің үйінен тәркілеп алды. Қазіргі таңда оған қатысты сотқа дейінгі тергеу амалдары жүргізілуде.