Ұлттық домбыра күні — мәдениет пен руханияттың ұлы мейрамы

Ұлттық домбыра күні – халқымыздың терең тарихы мен бай руханиятын дәріптейтін маңызды мереке. Бұл күн – ата-бабадан жеткен күй өнерін ұлықтап, оны бүгінгі ұрпаққа аманаттау жолындағы игі бастама.

Домбыра – қазақ халқының төл мұрасы, ұлттық болмысымыздың айнасы. Оның әрбір үні – шежіре, әрбір пернесі – тағылым. Күй арқылы ел басынан өткен қилы кезеңдер, елдік пен ерлік, махаббат пен мұң көркем жеткізілген.

Жас ұрпақ – ұлттық өнердің болашағы. Бүгінгі жастар – атадан қалған асыл мұраны жаңа деңгейге көтеретін басты күш. Осы орайда еліміздегі мәдени-ағартушылық мекемелер, білім ошақтары мен жастар ұйымдары домбыра өнерін насихаттау жолында жүйелі жұмыстар жүргізуде. Домбыра үйірмелері, күй сайыстары мен шығармашылық жобалар арқылы жастар ұлттық өнерге бет бұрып келеді.

Домбыра – тек дәстүр емес, жаңғырудың символы

Домбыра күні – рухани жаңғыру аясындағы нақты қадамдардың бірі. Ол ұлттың өзін-өзі тануына, мәдени кодты сақтауына, жас ұрпақтың бойында ұлттық сана мен патриоттық сезімді қалыптастыруға ықпал етеді.

Бүгінгі міндет – төл өнерімізді қадірлеп, ұрпақ жадында сақтау. Осы мереке аясында әрбір жас азамат қазақтың киелі аспабын танып, қадірлеп, насихаттауға өз үлесін қоса алады. Бұл – рухани жауапкершілік пен ұрпақ алдындағы аманат.

Ұқсас жаңалықтар

Биыл Түркістан қаласында 159 көшеге жөндеу жұмыстары жүргізіледі

2025 жылдың Наурыз айында қазақстандықтарды ұзақ демалыстар күтіп тұр

berdaly_oraz

Түркістан облысында құрылыс сапасына бақылау күшейтілді

berdaly_oraz

Пікір жазу