Түркістанда жиһаз өндіретін «LIDER PREMIUM» зауытының қызметкерлері саяси науқанда белсенділік танытып, №115 дауыс беру учаскесінде өз таңдауларын жасады.
«Әрбір мемлекет үшін халықтың пікірін ескеру – тұрақты даму мен әділ қоғам құрудың негізгі шарттарының бірі. Референдум – осы мақсатқа жетудің тиімді жолдарының бірі. Мұндай маңызды кезеңдерде азаматтар өз таңдауы арқылы елдің болашағына ықпал етеді. Әрбір дауыс – қоғамдағы өзгерістерге деген көзқарастың белгісі. Сондықтан референдумға қатысу арқылы адамдар өз елінің тағдырына бейжай қарамайтынын көрсетеді»- деді зауыт қызметкері Серік Жұмахметов.
Айта кетейік, түркістандық жиһаз зауытының бүгінгі таңда еліміз бойынша 60-тан аса дүкендері жұмыс істейді. Мекеме 300-ге жуық азаматты тұрақты жұмыспен қамтып отыр. Олар біліктілігін арттыру мақсатында жыл сайын Түркия елінде тағылымдамадан өтуге мүмкіндік алған.
Дереккөз: Түркістан облысының Өңірлік коммуникациялар қызметі