Түркістан қаласында «Зайырлы қоғамда діннің алатын орны» тақырыбында дөңгелек үстел өтті. Іс-шараға мемлекеттік органдардың өкілдері, дінтанушы мамандар, қоғам белсенділері мен жастар қатысып, өзекті мәселелер төңірегінде пікір алмасты.
Жиын барысында зайырлылық қағидаттарының мәні, дін мен қоғам арасындағы үйлесімділік, сондай-ақ жастардың діни сауаттылығын арттыру мәселелері кеңінен талқыланды. Спикерлер қазіргі қоғамдағы діни ағымдардың ықпалына тоқталып, дәстүрлі құндылықтарды сақтау мен ұлттық бірегейлікті нығайтудың маңызын атап өтті.
Сонымен қатар, қатысушылар жат ағымдардың алдын алу, ақпараттық-түсіндіру жұмыстарын күшейту және діни экстремизмге қарсы тұру бағытындағы шараларды жетілдіру жөнінде ұсыныстарын ортаға салды.
Дөңгелек үстел қорытындысында қоғамдағы тұрақтылық пен келісімді сақтау үшін дін мен мемлекет арасындағы өзара түсіністік пен әріптестікті нығайту қажеттігі ерекше атап өтілді.