Дереккөз: Түркістан қаласы әкімдігі
Қала әкімінің орынбасары Мадияр Әліповтың төрағалығымен Кәмелетке толмағандардың істері және олардың құқықтарын қорғау жөніндегі комиссияның кезекті отырысы өтті.
Жиында кәмелетке толмағандар арасындағы құқық бұзушылықтың алдын алу, қылмыстың өсуіне жол бермеу, сонымен қатар балалардың қараусыз және панасыз қалу жағдайларын болдырмау бағытындағы атқарылып жатқан жұмыстардың барысы талқыланды.
Қала әкімінің орынбасары балалардың қауіпсіздігі мен құқықтарын қорғау – қоғам үшін аса маңызды міндет екенін атап өтіп, жауапты мекемелерге профилактикалық шараларды күшейту, өзара ықпалдастықты арттыру және әрбір жағдайға жедел әрі мұқият назар аудару жөнінде тапсырмалар жүктеді.
Түркістан қаласы әкімдігі кәмелетке толмағандардың құқықтарын қорғау және олардың әл-ауқатын арттыру бағытындағы жұмыстарды тұрақты түрде жалғастыра беретінін жеткізді.