Дереккөз фото: Сайрам ауданы әкімдігі
Түркістан қаласындағы «Olympic Center» спорт кешенінде белгілі боксшы, Сидней Олимпиадасы мен әлем чемпионатының күміс жүлдегері, Азия ойындарының чемпионы, Қазақстан бокс федерациясының вице-президенті Мұхтархан Ділдәбековтің жүлдесіне арналған жастар арасындағы 14- халықаралық турнир ұйымдастырылды.
Дәстүрлі жарысқа Қазақстанның 10 өңірінен, сондай-ақ Өзбекстан, Қырғызстан және Тәжікстаннан келген 13 команда қатысып, 150-ге жуық жас боксшы 10 салмақ дәрежесінде бақ сынады.
Аталған додада Сайрам ауданының спортшысы Алихан Прімбетов 75 келі салмақта өнер көрсетіп, өңір намысын абыроймен қорғап, жеңімпаз атанды.