Алматы облысының Талғар ауданында жастар арасында тоғызқұмалақтан Қазақстан Республикасының XXIV чемпионаты өз мәресіне жетті. Елдің түкпір-түкпірінен жиналған жас спортшылар бірнеше күн бойы ұлттық зияткерлік ойында бақ сынап, ел чемпиондары атағы мен халықаралық додаға берілетін жолдамалар үшін тартысты бәсеке көрсетті.
Чемпионат қорытындысы бойынша үздік нәтиже көрсеткен спортшылар жеңімпаз және жүлдегер атанып, алдағы әлем чемпионатында Қазақстан құрамасының сапында ел намысын қорғау мүмкіндігіне ие болды. Турнир жас тоғызқұмалақшылардың шеберлігін шыңдап, ұлттық спортты дамытуға серпін берген маңызды жарыстардың бірі саналады.