Монтайтастық келіншек Ақдала ауылдық Мәдениет үйінде өткен «Сырлы жеңге, сұлу қыз» байқауынан 1-орын иеленді,-деп хабарлайды Arysinfo.kz тілшісі.
Арыс қалалық Мәдениет үйінің ұйымдастыруымен 27 наурыз күні Ақдала ауылдық Мәдениет үйінде жеңге мен қайынсіңлі арасындағы сыйластықты арттырып, ұлттық салт-дәстүрді дәріптеуге арналған «Сырлы жеңге, сұлу қыз» байқауы өтті.
Бес ауылдық округтен келген келіндер мен қыздар бірнеше кезең бойынша сынға түсті.Атап айтқанда:
«Салт-дәстүр – ұлттық тәрбиенің негізі» – қазақтың әдет-ғұрпына арналған сахналық қойылым;
«Шеберлікке шек жоқ» – қолөнер, ісмерлік қабілетті таныту;
«Өнер – өшпес мұра» – қатысушылардың шығармашылық қабілетін көрсету;
«Орамалым – алтын тәжім» – орамал тағу мәдениетін дәріптеу.
Сайыс нәтижесінде Монтайтас ауылдық округінен келген Ақпанбетова Динара мен Әзімбайқызы Аяжан ерекше өнер көрсетіп, I орынды иеленді.
Бұл байқау ұлттық тәрбиені, отбасы институтын, қазақ әйелінің шеберлігі мен парасатын, сондай-ақ өнер мен дәстүрдің сабақтастығын насихаттайтын маңызды шара. Осындай бастамалар қазақ халқының мәдениетін сақтауға, жас ұрпақтың ұлттық сана-сезімін қалыптастыруға ықпал етеді.
Ұлттық құндылық – халықтың жаны. Оны дәріптеу – болашаққа жол ашу!