Шымкентте өтіп жатқан Шерзат Полат ісі бойынша сот отырысында марқұмның әжесі Жұмабике Кадирова куәлік берді. Ол өз сөзінде сотталушылардың бірі – 16 жастағы жасөспірімді кешіретінін мәлімдеді.
Әженің айтуынша, марқұмның әкесі Серік Қаржаубай да: «16 жасар баланы кешірейік, оның өмірін құртамыз» деген ойын жеткізген. Жұмабике Кадирова сотта бәрін Аллаға аманаттап, кешірім бергенін айтты.
– Мен бәрін кешірдім. Оларды Алланың үкіміне тапсырамын, – деді марқұмның әжесі.
Бұл мәлімдеме қоғам назарын аударған іс бойынша маңызды бетбұрыс болуы мүмкін.