Сурет: Түркістан обл. әкімдігі
2026 жылдың 1 қаңтарында Түркістан облысындағы перзентханаларда бір тәулік ішінде 106 сәби өмірге келді. Жаңа туғандардың қатарында бір егіз бар.
Босанулардың басым бөлігі облыстық перинаталдық орталықтарда тіркелген. Атап айтқанда, №2 облыстық перинаталдық орталықта 19 сәби және бір егіз дүниеге келсе, №3 облыстық перинаталдық орталықта 25 нәресте туған.
Жаңа жылдың алғашқы күнінде өмірге келген барлық сәбиге дәрігерлер тарапынан қажетті медициналық көмек көрсетілді. Қазіргі уақытта аналар мен балалардың денсаулығы қалыпты, жағдайлары тұрақты.