Сурет: reuters
Иран билігі наразылық акцияларына қатысқан 26 жастағы Ерфан Солтаниге өлім жазасын қолдануы мүмкін. Бұл туралы Iran Human Rights құқық қорғау ұйымы хабарлады.
Ұйым мәліметінше, Солтаниге «Құдайға қарсы соғыс ашты» деген ауыр айып тағылып, оны дарға асу үкімі 14 қаңтарға белгіленуі ықтимал. Ерфан Солтани алты күн бұрын ұсталған.
Аталған дерекке қатысты Иранның ресми органдары әзірге ешқандай мәлімдеме жасаған жоқ. Құқық қорғаушылар бұл істің әділ қаралуына алаңдаушылық білдіріп, халықаралық қауымдастықты назар аударуға шақырып отыр.