АҚШ президенті Дональд Трамп Иранмен арадағы атысты тоқтату режимін ұзарту туралы шешім қабылданғанын мәлімдеді. Оның айтуынша, бұл қадам Пәкістанның өтінішінен кейін жасалған, ал Исламабад Вашингтон мен Тегеран арасындағы келіссөздерге делдал болып отыр.
Президенттің сөзінше, АҚШ әскері шабуылдарды уақытша тоқтатқанымен, блокада режимін сақтап, толық дайындық жағдайында қалады. Алайда бітімнің нақты мерзімі жарияланбаған. Бұған дейін Иран келіссөздерге қайта оралуға дайын екенін білдіргенімен, Ормуз бұғазына қатысты шектеулер алынбайынша келіссөздерге қатыспайтынын айтқан.
Тараптар арасындағы уақытша бітім 8 сәуірде екі аптаға жасалған еді, бірақ алғашқы келіссөздер нәтижесіз аяқталды. Трамп Иранға қатысты ұстанымның келісім толық бекітілгенге дейін өзгермейтінін де атап өтті.