Арыс қаласының әкімі тұрғындарды жеке қабылдады,деп жазды Арысинфо.кз.
Бүгін «Amanat» партиясының Арыс қалалық филиалы ғимаратында қала әкімі Қайсар Маңқараев азаматтарды жеке мәселелері бойынша қабылдады. Қоғамдық қабылдау барысында тұрғындар тұрғын үй кезегі, әлеуметтік көмек, жол жөндеу, қаланы абаттандыру және мүмкіндігі шектеулі азаматтарды оңалту сияқты өзекті мәселелерді көтерді.
Әкім әрбір өтінішке жеке тоқталып, тиісті бөлім басшыларына нақты тапсырмалар жүктеді. Келушілердің өтініштері хатталып, шешілу барысы бақылауға алынатыны хабарланды.
Қоғамдық қабылдауда көтерілген әрбір мәселе заң аясында қаралатынын айтқан қала басшысы, тұрғындардың ұсыныс-пікірлеріне мұқият назар аударылатынын жеткізді.