Арыс қаласы мен ауылдық округтер аумағында ауыл шаруашылығы және жол-құрылысы техникаларын пайдаланатын заңды және жеке тұлғалардың меншігіндегі тракторлар, өздігінен жүретін ауыл шаруашылығы машиналары, трактор тіркемелері мен жол-құрылысы техникаларына 2026 жылға арналған жыл сайынғы мемлекеттік техникалық байқау жүргізіледі.
Техникалық байқау Қазақстан Республикасы Ауыл шаруашылығы министрлігінің 2015 жылғы 6 мамырдағы №4-3/421 бұйрығымен бекітілген мемлекеттік қызмет стандартына сәйкес өткізіледі.
Техникалық байқауға ұсынылатын құжаттар:
Жеке тұлғалар (немесе сенімхат бойынша өкілі):
Стандарттың 1-қосымшасына сәйкес өтініш;
Машинаны тіркеу құжаты (техникалық паспорт).
Заңды тұлғалар (немесе сенімхат бойынша өкілі):
Стандарттың 1-қосымшасына сәйкес өтініш;
Машинаны тіркеу құжаты (техникалық паспорт);
Стандарттың 2-қосымшасына сәйкес машиналар туралы мәліметтер (мемлекеттік техникалық қарап-тексеру актісіне енгізу үшін).
Техникалық байқау мерзімі:
2026 жылғы 2 наурыздан 28 сәуірге дейін.
Ауыл шаруашылығы техникасы иелерінен белгіленген мерзімде техникалық байқаудан өтуді сұраймыз.