Асанада лифтіде жарақат алған 5 жасар бала ауруханадан шығарылатын болды. Бұл туралы №2 қалалық балалар ауруханасы директорының орынбасары Медет Нұғманов хабарлады,деп хабарлайды Arysinfo.kz.
Дәрігердің айтуынша, қазіргі кезде баланың жағдайы қанағаттанарлық. Ешқандай шағымы жоқ, жарақаттан кейінгі қабыну белгілері де байқалмаған. Сондықтан мамандар оны ауруханадан шығарып, үйіне жіберуге шешім қабылдаған.
Еске сала кетейік, бұл оқиға ел арасында үлкен талқылауға түсті. Балаға шабуыл жасаған жасөспірімнің әрекеті қоғамда қызу пікірталас тудырды. Тергеу барысында оның жәбірленушінің бетін пышақпен тілгені анықталды. Осы жағдайға байланысты жасөспірімнің анасына айыппұл салынған болатын.