Шерзат Полаттың өліміне күдіктілердің изоляторда туған күн тойлауы үлкен дауға айналды. Желіде тараған видеоны Еңбекшіқазақ ауданының бұрынғы ішкі істер қызметкері түсіргені анықталды.Бұл туралы Arysinfo.kz тілшісі хабарлайды.
Құқық қорғау органдарының мәліметінше, бұл қызметкер қызметтік мүддені сатып, ішкі істер министрлігінің тәртібін өрескел бұзған. Осыған байланысты ол қызметінен босатылып, арнайы атағынан айырылды.
Жалпы, осы оқиғаға байланысты 16 қызметкерге қатаң тәртіптік шаралар қолданылған. Олардың бір бөлігі қызметінен босатылса, қатарында ішкі істер бөлімшесінің басшысы да бар. Бұл жағдай құқық қорғау жүйесіндегі тәртіпті күшейту қажеттігін тағы бір мәрте көрсетті.