Қазығұрттық жастар 1700 метрлік биіктікке мемлекеттік Туды тікті
4 маусым – Қазақстан Республикасының Мемлекеттік рәміздер күніне орай Қазығұрт ауданында патриоттық бағыттағы ерекше шара өтті. “Жастар ресурстық орталығының” ұйымдастыруымен аудан жастары Қазығұрт тауының шыңына көтеріліп, биіктігі 1700 метрден асатын тұғырға Қазақстанның мемлекеттік Туын тікті.
Іс-шараның басты мақсаты – жастар арасында отансүйгіштік сезімді күшейтіп, мемлекеттік рәміздерге деген құрметті тереңдету. Сонымен қатар, салауатты өмір салтын насихаттап, ел бірлігі мен патриотизм құндылықтарын дәріптеу болды.
Қазығұрт тауы теңіз деңгейінен 1768 метр биіктікте орналасқан, ұзындығы 22 шақырым, ені 10 шақырымды құрайды. Жастардың бұл бастамасы – рухты көтеріп, ұлт мерейін асырған елеулі оқиғаға айналды.