Арыс қаласында мемлекеттік қызмет алушылар күні өтті, деп хабарлайды Arysinfo.kz.
«Азаматтарға арналған үкімет» мемлекеттік корпорациясы» коммерциялық емес акционерлік қоғамының Түркістан облысы бойынша филиалы Арыс қалалық бөлімінің ғимаратында Қазақстан Республикасы Президентінің Мемлекеттік қызметті дамытудың 2024-2029 жылдарға арналған тұжырымдамасына негізделген, Мемлекеттік қызмет істері агенттігінің Түркістан облысы бойынша департаментінің жоспарына сәйкес, қызмет алушылар күні өтті. Тұрғындар «Азаматтарды тіркеу-тұрғылықты жері бойынша тұрақты және уақытша тіркеу, қандас мәртебесін алу, кетуге құжаттарды ресімдеу мәселесі» бойынша және тағы басқа мәселелер тұрғысында өз сауалдарын қойып, мардымды жауаптарын ала алды. Іс шара мемлекеттік қызмет алушыларға көмек және қолдау көрсету мақсатында ұйымдастырылды.