Бүгін Кентау қаласындағы №52 референдум учаскесінде «Қаланың мақтанышы» атты фотокөрме ұйымдастырылды. Көрмеде қаладан шыққан танымал тұлғалардың фотосуреттері көрермен назарына ұсынылды. Бұл шара жергілікті азаматтардың жетістіктерін еске түсіріп, кентаулықтардың патриоттық сезімдерін арттырды. Қазір Кентау қаласында республикалық референдум өткізу үшін 35 дауыс беру учаскесі таңғы сағат 07:00-де өз жұмысын бастады. Қала бойынша референдумға қатысуға құқылы дауыс берушілердің жалпы саны 56 099 азаматты құрайды.
Еске сала кетсек, бүгін сағат таңғы 07:00-ден бастап Түркістан облысы аумағында 947 референдум учаскесі өз жұмысын бастады. Облыста 1 187 257 азамат дауыс беру құқығына ие. Бұл өңір халқының 55,4 пайызына тең.
Дауыс беру учаскелері ең көп аудандар: Сайрам – 89, Сарыағаш – 82, Жетісай – 75, Төлеби ауданы – 69, Түркістан қаласы – 65. Республикалық референдумға облыс бойынша жалпы саны 6 380 комиссия мүшелері тартылған. Оның ішінде 1 – облыстық (7 мүше), 17 аумақтық (119 мүше) және 948 учаскелік референдум комиссиялары (6 254 мүше).