Мемлекеттің ең басты байлығы – адам, оның өмірі, құқықтары, бостандығы мен қадір-қасиеті. Ал Конституция – осы құндылықтарды қорғап, қоғамда әділдік пен теңдіктің орнығуына негіз болатын басты заң.
Әрбір азаматтың сапалы білім алуға, адал еңбек етуге, медициналық көмекке қол жеткізуге және өз құқықтары мен бостандықтарын қорғауға құқығы бар. Бұл құқықтардың сақталуы – құқықтық мемлекеттің маңызды белгісі.
Сонымен қатар, заңды құрметтеу, өзгенің құқығына қол сұқпау және қоғам алдындағы жауапкершілікті сезіну – әр азаматтың міндеті. Өйткені құқық пен жауапкершілік қатар жүргенде ғана қоғамда өзара сенім мен тұрақтылық қалыптасады.
Конституцияны құрметтеу – адамды құрметтеу. Ал адам құқығын қорғау – әділетті қоғам құрудың басты шарты.
Құқықтық сауаты жоғары, заңға құрметпен қарайтын және өз міндетін терең түсінетін азаматтар ғана қуатты әрі әділетті мемлекеттің қалыптасуына үлес қоса алады.