Дереккөз, фото: Ордабасы ауд әкімдігі
Ордабасы ауданында тазалық пен абаттандыру жұмыстары тұрақты түрде жүргізілуде. Соның аясында апта сайын ұйымдастырылатын сенбіліктер елді мекендердің санитарлық жағдайын жақсартып, айналаның көркеюіне оң ықпал етуде.
Бүгін аудан орталығы Темірлан ауылындағы орталық Қажымұқан көшесінің бойында кең көлемді тазалық жұмыстары ұйымдастырылды. Сенбілікке мекеме қызметкерлері, жастар, ауыл тұрғындары мен белсенді азаматтар қатысып, ортақ іске жұмыла атсалысты.
Тазалық шарасы барысында көше бойындағы сәндік ағаштардың түптері әктеліп, артық бұталары қырқылды. Сонымен қатар, латоктар мен аяқ су арналары тазартылып, көше маңы ретке келтірілді.
Мұндай игі бастамалар тұрғындардың қоршаған ортаға деген жауапкершілігін арттырып, ауданның тазалығы мен көркеюіне үлес қосуда.