Созақ ауданының «Созақ» мектеп-гимназиясын 20 жыл бұрын тәмамдаған түлектер туған ауылына тарту жасап, жаңа демалыс саябағын салып берді. Саябақтың ашылу салтанатына облыстық мәслихат депутаты Бегімбет Байғарев пен аудан әкімінің орынбасары Алтын Ешанқұлова арнайы қатысып, игі бастамаға қолдау білдірді.
Ауыл ақсақалдары мен тұрғындары да шараға қатысып, түлектерге ризашылықтарын білдіріп, ақ баталарын берді. Жиналған қауым түлектердің туған жерге жанашырлықпен қарап, нақты іске көшкен қадамын жоғары бағалады.