Сарыағаш ауданында «Таза Қазақстан» экологиялық акциясы аясында ауқымды тазалық жұмыстары жүргізілді. Шара барысында республикалық және облыстық маңызы бар тас жолдар бойындағы бейберекет тасталған қоқыстар жиналып, арық-атыздар тазартылды, сондай-ақ жол жиектеріндегі шөптер орылды.
Игі бастамаға аудан жастары белсене қатысып, туған жердің тазалығы мен экологиялық жағдайына жанашырлық танытты.
«Таза Қазақстан» науқанының басты мақсаты — қоғамда экологиялық мәдениетті қалыптастыру, «Адал адам – Адал еңбек – Адал табыс» қағидасын насихаттау арқылы отансүйгіштік пен табиғатқа деген жауапкершілікті арттыру.
Бұл бастама ел азаматтарын қоршаған ортаға ұқыппен қарауға және ортақ жауапкершілікке үндейді.