Түркістан облысында Мемлекет басшысы Қасым-Жомарт Тоқаевтың тапсырмасына сәйкес мақта- тоқыма кластері қарқынды дамып келеді.
Өңірде мақтаны толық өңдеп, дайын өнім шығаратын өндірістік тізбек қалыптасқан.
Түркістан қаласындағы «Turan» арнайы экономикалық аймағында заманауи тоқыма кешені іске қосылып, жіп иіру мен мата өндіру жолға қойылды. Отырар ауданында мақта өңдеу зауыттары жұмыс істеп, су үнемдеу технологиялары енгізілуде.
Түркістан облысының әкімі Нұралхан Көшеровтің бастамасымен бұл жобалар өңір экономикасын әртараптандыруға және жаңа жұмыс орындарын ашуға мүмкіндік беріп отыр.
Нәтижесінде Түркістан облысы мақтадан дайын өнімге дейін толық цикл қалыптасқан өндіріс орталығына айналуда.