Түркістан облысында 2025–2026 жылдарға арналған күзгі-қысқы жылыту кезеңі жоспарлы түрде өтіп, ешбір ірі техникалық ақаусыз сәтті қорытындыланды. Өңірдегі газ инфрақұрылымын дайындау жұмыстары маусым басталғанға дейін толық әрі сапалы жүзеге асырылған.
Облыс әкімдігімен бірлесе жұмыс атқарған «QazaqGaz Aimaq» акционерлік қоғамының Түркістан өндірістік филиалы қысқа дайындықты жүйелі түрде жүргізіп, барлық қажетті техникалық шараларды уақытында орындады. Бұл өз кезегінде халықты үздіксіз жылумен қамтамасыз етуге мүмкіндік берді.
Дайындық аясында жүздеген газ реттеу нысандары тексеріліп, жоспарлы жөндеу жұмыстары жүргізілді. Атап айтқанда, газ реттеу пункттері мен шкафтық құрылғылар толықтай техникалық бақылаудан өтіп, қалпына келтіру шаралары жүзеге асырылды. Сонымен қатар электрхимиялық қорғау жүйелері жаңартылып, газ желілерінің қауіпсіздігіне ерекше назар аударылды.
Мамандар газ тарату жүйелерінде диагностикалық тексерулер жүргізіп, ықтимал ақаулардың алдын алды. Ажыратқыш құрылғылар да толық тексерістен өтіп, үздіксіз жұмыс істеуге дайын күйге келтірілді.
Жауапты мекемелердің үйлесімді жұмысының нәтижесінде жылыту маусымы барысында төтенше жағдайлар тіркелмей, тұрғындар табиғи газбен тұрақты қамтамасыз етілді.
Сала мамандары алдағы кезеңге дайындық жұмыстары да алдын ала жоспарланып отырғанын атап өтті.