Түркістан облысы Жетісай ауданында шағын және орта бизнесті дамыту бағытында жаңа өндіріс орны іске қосылды. Жетісай қаласында орналасқан «Жасурбек строй» шағын цехы темір сымнан тоқылған қоршаулар өндірумен айналысады.
Кәсіпорын 2026 жылдың наурыз айында кәсіпкердің жеке инвестициясы есебінен ашылған. Өндірістік қуаттылығы тәулігіне 1500 погонометрге дейін жетеді.
Қазіргі таңда цехта 2 адам тұрақты жұмыспен қамтылған. Өндірісте пайдаланылатын негізгі шикізат Шымкент қаласынан жеткізіледі.
Аталған жоба – өңірдегі өндіріс көлемін арттырып, жергілікті тұрғындарды жұмыспен қамтуға бағытталған маңызды бастамалардың бірі.