Түркістанда 22 жасөспірім сушиден уланып, ауруханаға түсті,деп хабарлайды Arysinfo.kz.
Түркістанда 12-14 жас аралығындағы 22 адам астан уланып, ауруханаға жеткізілді. Алдын ала мәлімет бойынша, олардың барлығы сушиден уланған болуы мүмкін.
«Науқастарға «тағамдық токсикоинфекция, болжамды жағдай» диагнозы қойылды. Қазіргі таңда олардың жағдайы тұрақты, арнайы ем қабылдап жатыр», – делінген ресми ақпаратта.
Барлық науқастар жұқпалы аурулар бөлімшесіне оқшауланып, тиісті ем-дом шаралары жүргізілуде. Азық-түлік қауіпсіздігіне жауапты органдар аталған тағамның сапасын тексеріп, оқиғаның мән-жайын анықтауға кірісті.