Түркістан облысында Наурызнама онкүндігі аясында «Күй күмбірі» атты ауқымды шара өтті.
«Жібек жолы» саябағында 300-ге жуық жас домбырашы бір мезетте күй орындаса, тағы 200-ден астам оқушы аудандарда челленджді қолдады. Осылайша өңір бойынша 500-ден астам бала бір уақытта күй тартып, ұлттық өнердің үнін асқақтатты.
Жас өнерпаздар Құрманғазы Сағырбайұлының «Адай», «Сарыарқа», «Балбырауын» күйлерін орындап, көрермендерге ерекше әсер сыйлады.
Шараның басты мақсаты – жас ұрпақтың ұлттық өнерге қызығушылығын арттырып, дәстүрлі мәдениетті кеңінен насихаттау.