Түркістан облысында жол бойындағы бейнебақылау камерасына әдепсіз қылық көрсеткен жүргізуші жауапқа тартылмақ.
Әлеуметтік желілерде тараған бейнежазбада көлік жүргізушісінің қоғамдық орынға тән емес әрекет жасағаны байқалады. Оқиға жұртшылықтың қызу талқысына түсіп, құқық қорғау органдарының назарын аударды.
Полиция қызметкерлері бейнежазбаға талдау жүргізіп, жүргізушінің жеке басын анықтау жұмыстарын қолға алды. Қазіргі таңда оның әрекетіне құқықтық баға беріліп жатыр.
Тәртіп сақшылары қоғамдық тәртіп пен әдеп нормаларын бұзатын әрекеттердің жауапкершілікке әкелетінін еске салды. Заң талаптарына сәйкес, азамат қоғамдық орында әдепсіз мінез-құлық көрсеткен жағдайда әкімшілік жауапкершілікке тартылуы мүмкін.
Оқиғаның мән-жайы анықталып, тиісті процессуалдық шешім қабылданатын болады.