Жетісай ауданында санитарлық тазалық жұмыстары жүйелі түрде жалғасуда. Аудан әкімі Серік Мамытовтың тапсырмасына сәйкес, тазалық – басым бағыттардың бірі болып отыр. Бұл жолғы сенбілік Мемлекет басшысы Қасым-Жомарт Тоқаевтың бастамасымен қолға алынған «Таза Қазақстан» жалпыхалықтық акциясы аясында ұйымдастырылды.
Ауқымды шараға 2 мыңға жуық адам жұмылдырылды
Қала, кент және ауылдық округтерде өткен сенбілікке тұрғындар, мемлекеттік және квазимемлекеттік мекеме қызметкерлері, табиғат жанашырлары атсалысты. Іс-шараға барлығы 2 мыңға тарта адам мен 15 техника қатысып, ауданның кіреберістері, мекеме маңайлары мен арнайы учаскелер қоқыстан тазартылды, шөптер орылды, тұрмыстық қалдықтар шығарылды.
Тұрғындардың белсенділігі – тазалық кепілі
Аудан әкімінің орынбасары Нұркен Серікұлының айтуынша, сенбіліктің жүйелі өтуіне тұрғындардың белсенділігі әсер етіп отыр.
– «Қоғамның тазалығы – оның мәдени деңгейінің көрсеткіші. Сондықтан мұндай шаралар тек әкімдік тарапынан емес, халықтың қолдауымен ғана нәтижелі болады», – деді ол.
Жүйелі жұмыс жалғасады
Жетісай ауданында тазалық сақтау мақсатындағы іс-шаралар тұрақты түрде жалғасын табады. Әкімдік өкілдері әрбір тұрғынды қоршаған ортаға жанашырлықпен қарауға шақырып отыр.