дереккөз фото: qaz365.kz
Жетісу облысы биылғы жазғы маусымда 2 миллионнан астам турист қабылдауды жоспарлап отыр. Бұл көрсеткіш өңір туризмінің бұрын-соңды болмаған серпінін көрсетеді.
Салада шамамен 7 мың жұмыс орны ашылып, оның 1 200-і тұрақты жұмысқа айналмақ. Бұл жергілікті халық үшін жаңа мүмкіндік пен табыс көзі болмақ.
Туризмнің негізгі бағыттары – Алакөл мен Балқаш көлдері, «Алтынемел» және «Жоңғар Алатауы» ұлттық парктері, сондай-ақ Жоңғар Алатауының тау аймақтары.
Өңірде туризмді жүйелі дамыту үшін арнайы Туризм басқармасы құрылып, жағалау тазалығы мен инфрақұрылымды жақсартуға бағытталған жаңа коммуналдық қызметтер іске қосылды.
Жетісу енді ішкі туризмнің ғана емес, өңірлік деңгейдегі ірі туристік орталыққа айналуға қадам жасап отыр.