29 жастағы «Елімай» клубының ойыншысы әрі балалар жаттықтырушысы Илья Буртовой Абай – Қарағанды тас жолында болған жол-көлік оқиғасы салдарынан көз жұмды.
Спортшы ауыр жағдайда ауруханаға жеткізілгенімен, дәрігерлер оның өмірін сақтап қала алмады.
Илья Буртовой футболдағы мансабын 2015 жылы «Шахтер-Булат» командасынан бастап, кейін футзал мен әуесқой командаларда өнер көрсетті. 2025 жылы «Елімай» сапында Қазақстан Кубогы мен Бірінші лигада ойнаған. Сондай-ақ ол балалар футболында жаттықтырушы болып еңбек еткен.
Марқұмның мезгілсіз қазасы отандық футбол қауымдастығы үшін ауыр қайғы болды.